Tamara Grujić zvijezda je emisije "Radna akcija s Tamarom" koja se emituje na beogradskoj Prvoj TV, a u kojoj renovira domove socijalno ugroženih porodica - dosad ih je sa svojom ekipom uredila gotovo 200.

Za vrijeme rada na jednoj od emisija bila je na terenu sa suprugom Vukom i ostakom ekipe i tada se dogodila neprijatna sitacija o kojoj je pričala javno, prenosi Blic.rs.

- Prije par mjeseci Aleksandar arhitekta i ja završavamo večeru posljednji, nešto malo pričamo, svi su otišli da spavaju. I ja sam otišla da spavam u neko doba. Vuk se probudi, vidi da me nema. Dva, pola tri, ko veli ja sam sa Aleksandrom, u kafani cirkam. Možeš misliti. Izađe napolje, ukapira da je sve po hotelu pogašeno i pomisli da nisam krenula da mjesečarim i krene da me zove: 'Tamara, Tamara' - započela je priču voditeljica.

- U tom momentu ugleda Aleksandra na terasi, koji se probudio, nije mogao da spava, pita ga: 'Gdje je Tamara, je l' kod tebe', a ovaj kaže: 'Ne'. Dva sata su me zajedno tražili, od dva do četiri ujutru, i onda mu je Vuk rekao: 'Nema veze, ona se uvijek vrati' - ispričala je kroz smijeh Tamara u emisiji Marije Kilibarde.

- Budim se u sedam sati, otvaram oči i vidim svog tonca u bračnom krevetu pored sebe... Ustajem i shvatam da je njegova soba preko puta moje. Ulazim u svoju sobu, a Vuk će s vrata: "Gdje si ti cijelu noć?", kažem: "Ja otišla kod Brane" - rekla je ona, pa dodala:

- Dva ujutru, ja otvaram vrata njegove sobe i govorim mu nešto vezano za snimanje, sjedam pored njega, uzimam mu cijelo ćebe, ležem, pokrivam se i ništa. Čovjek nije mogao da dođe sebi, toliko se paralisao da mu nije palo na pamet da pokuca kod Vuka na vrata i pita za mene.

Voditeljica mjesečari još od malena

- Dugo nisam mjesečarila, u dvadesetim recimo nisam uopšte, počela sam od kako sam sa Vukom, koji me tako usred noći uhvati kako stojim kao kip u ćošku. Onda me on uhvati pa me vrati, jer čovjeka koji mjesečari ne treba buditi. Primijetili smo da je kćerka Lenka to naslijedila od mene - rekla voditeljica koja je 2019. godine rodila Lenku, od koje se ne odvaja čak ni kada ide na posao.

Inače, Tamara Grujić, ne krije da ima neobičan odnos sa suprugom Vukom. Ona je, naime, otkrila da ne spava u istoj sobi sa svojim partnerom.

- Mi smo tu odluku donijeli spontano. Uprkos tome što će mi mnogi zamjeriti i reći da nije zdravo, volim da spavam sa kćerkom Lenkom, Vuku stoga nije preostalo ništa drugo do da bude u drugoj sobi s našim psom Milicom (smijeh). Za sada nismo vidjeli lošu stranu te podjele, ali smo oboje svjesni da to neće biti zauvijek i da zbog toga trenutno više radimo na očuvanju naše intime - kazala je Tamara Grujić nedavno.

(DEPO PORTAL/ad)